Tuesday 16 October 2012

കുറുനരി പ്രണയം



സ്പന്ദനം 

അന്ന് കുറുക്കന്‍ പതിവിലേറെ നേരം ഓലിയിട്ടു ....
നീലിയുടെ പ്രണയം പൂവിട്ടു.കുറുക്കന്‍ പുളകിതനായി. 

" എന്റ്റെ പേരും പറഞ്ഞ്  നീ മുതലെടുക്കുന്നോ ...?
 അത് ഈ വീട്ടില്‍ നടക്കില്ല ..."
കുറുപ്പിന് കലി തീരുന്നില്ല ..
നീലി  നിന്ന് വിറച്ചു 
      
അത് പേടി  കൊണ്ടായിരുന്നില്ല .
കോപം നീലിയെ വിറപ്പിച്ചു.

" നീ എന്റ്റെ പേരില്‍ എന്തൊക്കെ നേടിയെടി ....?'

കുറുപ്പ് വീണ്ടും അലറി .
നീലിയുടെ ഹൃദയം വിറച്ചു .
സമൂഹം നീലിയെ വിറപ്പിച്ചു .

" നീ എന്റ്റെ ജീവിതം നശിപ്പിച്ചില്ലേടി...?"

കുറുപ്പ് അലര്‍ച്ച തുടര്‍ന്നു .
നീലിയുടെ ചുണ്ട് വിറച്ചു .
വാക്കുകളുടെ ശക്തി  നീലിയെ വിറപ്പിച്ചു .

നീലി   വാ തുറന്നു .

അപ്പോള്‍  കുറുക്കന്‍  ഒന്നിരുത്തി  മൂളി .......
പ്രണയ തീവ്രത നീലിയെ അടക്കി ഭരിച്ചു .

"ജീവിതം  തന്നെന്ന്‍  പറയടാ ..."

നീലി അലറി .
കുറുപ്പ്  നിന്നു വിറച്ചു .

അത് പേടി കൊണ്ടായിരുന്നില്ല
നഷ്ടബോധം  കുറുപ്പിനെ വിറപ്പിച്ചു.

"  എന്റ്റെ  മാന്യത നീ കളഞ്ഞില്ലേടാ..."

നീലി വീണ്ടും അലറി .
കുറുപ്പിന്റ്റെ  ഹൃദയം വിറച്ചു .
അഭിമാനക്ഷതം കുറുപ്പിനെ വിറപ്പിച്ചു.

" നീ ഞാന്‍ മൂലമല്ലേടാ  വളര്‍ന്നത് ...?"

നീലി  നില മറന്നു .
കുറുപ്പി ന്റ്റെ  ചുണ്ട്  വിറച്ചു .
ഇടുങ്ങിയ  മനസ്സുകള്‍ കുറുപ്പിനെ വിറപ്പിച്ചു .

കുറുക്കന്‍  ചോര കുടിക്കാന്‍ ആര്‍ത്തി പൂണ്ടു .
പ്രണയം കൊടുമ്പിരി കൊള്ളുന്നതില്‍   അവന്‍ രസിച്ചു .

കുറുപ്പും നീലിയും ഒരുമിച്ചു വിറച്ചു.
ചോര നീരായി പോയതും 
നീരില്‍ നീറ്റലകന്നതും  കുറുക്കന്‍ അറിഞ്ഞില്ല ....

 കുറുക്കന്‍  വീണ്ടും ഓലിയിടാന് തുടങ്ങി ...
 അവന്‍ പ്രണയിക്കാന്‍ കൊതിച്ചു കൊണ്ടിരുന്നു ..


നന്ദിനി ‍ 
              
  

7 comments:

  1. ചോര നീരായി പോയതും
    നീരില്‍ നീറ്റലകന്നതും കുറുക്കന്‍ അറിഞ്ഞില്ല ....

    കുറുക്കന്‍ വീണ്ടും ഓലിയിടാന് തുടങ്ങി ...
    അവന്‍ പ്രണയിക്കാന്‍ കൊതിച്ചു കൊണ്ടിരുന്നു ..


    ഈ കഥ വായിച്ച് ഞാനുമൊന്ന് ഓരിയിടാൻ തുടങ്ങട്ടെ,അങ്ങനെയെങ്കിലും ഞാൻ പ്രണയിക്കാൻ കൊതിക്കുകയാണെന്ന് എല്ലാവരും മനസ്സിലാക്കട്ടെ.

    ReplyDelete
  2. കുടുംബ കലഹം
    ചേര്‍ച്ചയുള്ള വരികള്‍.
    അഭിനന്ദനങ്ങള്‍

    ReplyDelete
  3. കുറുക്കന്റെ ഈ കൊതി നന്നേ ഇഷ്ടമായി

    ആശംസകള്‍
    http://admadalangal.blogspot.com/

    ReplyDelete
  4. വരികളിലെ ആവർത്തനം ലേശം വിരസമായിപ്പോയെങ്കിലും...ഉള്ളർത്ഥം നന്നായി രസിപ്പിച്ചൂ ആശംസകൾ..ഇനിയും എഴുതുക...അനുവേലം

    ReplyDelete
  5. അര്‍ത്ഥങ്ങള്‍ ഒളിപ്പിച്ച് വച്ചിരിക്കുകയാണല്ലോ

    ReplyDelete
  6. അര്‍ത്ഥമുള്ള കഥ
    ആശംസകള്‍

    ReplyDelete